ໜ່ວຍສິລະປະ ກອງບັນຊາການທະຫານແຂວງ ວຽງຈັນ
ເຄື່ອນໄຫວສະແດງຮັບໃຊ້ຢູ່ເຂດຈຸດສຸມພັດທະນາຜາສັງ
ວັນທີ 3 ມັງກອນ 2024 ນີ້, ໜ່ວຍສິລະປະກອງບັນຊາການທະຫານແຂວງວຽງຈັນ, ນຳໂດຍ ສະຫາຍ ພັນໂທ ຫຸມພັນ ສີສົມພອນ
ກໍາມະການຄະນະພັກ ກອງບັນຊາການ, ຮອງຫົວໜ້າຫ້ອງການເມືອງ ກອງບັນຊາການທະຫານແຂວງວຽງຈັນ ໄດ້ນຳພາຄະນະສິລະປະ
ເຄື່ອນໄຫວສະແດງຮັບໃຊ້ໃຫ້ແກ່ການນຳແຂວງ, ຂັ້ນເມືອງ ແລະ ປະຊາຊົນບັນດາເຜົ່າຢູ່ເຂດຈຸດສຸມພັດທະນາຜາສັງ ເມືອງເຟືອງ ແຂວງ
ວຽງຈັນ, ໂດຍມີສະຫາຍ ຄຳພັນ ສິດທິດຳພາ ກຳມະການສູນກາງພັກ, ເລຂາພັກແຂວງ, ເຈົ້າແຂວງໆວຽງຈັນ, ມີບັນດາຄະນະປະຈຳພັກ
ແຂວງ, ກຳມະການພັກແຂວງ, ເລຂາພັກເມືອງ, ອົງການ, ພະແນກການ ແຂກຖືກເຊີນ ຕະຫຼອດຮອດປະຊາຊົນບັນດາເຜົ່າເຂົ້າຮ່ວມຮັບ
ຊົມຢ່າງຫຼວງຫຼາຍ.
ລາຍການທີ່ນຳມາສະແດງປະກອບມີ 6 ລາຍການຄື: ບົດຟ້ອນຊົມອາລຸນວັນໃໝ່ສະແດງໂດຍໝູ່ຍິງ, ຮ້ອງເພງຊົນເຜົ່າມົ້ງຮ້ອງດ່ຽວ
ຍິງ ມ່ວນຊື່ນບຸນກິນຈຽງ, ບົດຟ້ອນສຽງຂຸ່ຍຈອມພູສູງ ຟ້ອນໂດຍໝູ່ ຍິງ-ຊາຍ, ຮ້ອງດ່ຽວຍິງ ຂັບເຈີມຊົນເຜົ່າກຶມມຸ, ບົດຟ້ອນມ່ວນຊື່ນ
ຊຽງກະລໍ ແລະ ການສະແດງເປົ່າຂຸ່ຍ ບົດເພງ ທຳມະຊາດພູດອຍ. ແຕ່ລະລາຍການລ້ວນແລ້ວແຕ່ສະແດງເພື່ອສ່ອງແສງໃຫ້ເຫັນເຖິງມູນ
ເຊື້ອ ແລະ ການດຳລົງຊີວິດ, ວັດທະນະທຳ-ສັງຄົມທີ່ດີຂອງຊາດ, ຂອງປະຊາຊົນລາວບັນດາເຜົ່າ. ທັງນີ້, ເພື່ອເປັນການຂ່ຳນັບຮັບຕ້ອນ
ວັນປະຫວັດສາດສຳຄັນຕ່າງໆ ຂອງຊາດ, ຂອງພັກ, ຂອງກອງທັບ ເປັນຕົ້ນແມ່ນວັນສ້າງຕັ້ງກອງທັບປະຊາຊົນລາວ ຄົບຮອບ 75 ປີ ໃຫ້
ມີເນື້ອໃນຄວາມໝາຍເລິກເຊິ່ງ ທັງເປັນການປະກອບສ່ວນສ້າງຄວາມມ່ວນຊື່ນປຸກລະດົມກຳລັງໃຈໃຫ້ປະຊາຊົນບັນດາ ເຜົ່າ ເນື່ອງໃນ
ໂອກາດຮັບຮອງເອົາເຂດຈຸດສຸມພັດທະນາຜາສັງ ເປັນຕົວເມືອງນ້ອຍໃນຊົນນະບົດ ແຫ່ງທີ 1 ຂອງແຂວງ ວຽງຈັນ ໃນຄ່ຳຄືນດຽວກັນ
ຍັງໄດ້ຮັບຊົມການສະແດງກາຍະສິນ ຈາກກອງກາຍະສິນແຫ່ງຊາດ, ຊົມການສະແດງຟ້ອນລາຍງ້າວຈາກບ້ານປາກກະຍຸງ ແລະ ການສະ
ແດງຈາກນ້ອງນັກຮຽນຈາກໂຮງຮຽນມັດທະຍົມຕອນຕົ້ນຜາສັງ ຕື່ມອີກ.
ແຫຼ່ງທີ່ມາ: ຂກທ
ວັນທີ 09/01/2024